Struktura e Programit

Programi është dyvjeçar dhe është i ndarë në katër semestra të veçantë. Dy semestrat e parë ofrojnë të kuptuarit e parimeve të avancuara të projektimit arkitektonik dhe planifikimin hapësinor.

Studentëve u jepet mundësia për të zgjedhur specializimet në semestrin e tretë. Semestri i fundit (i katërt) është i destinuar për një projekt kërkimor të shkurtër dhe disertacionin.

Tema Master u mundëson studentëve që të angazhohen në hulumtime individuale dhe zhvillime të fokusuara në një tematikë përkatëse për disiplinën e tyre të veçantë, si për Arkitekturë apo Planifikim Hapësinor.

Studentët do ta zgjedhin temën pasi t’i kompletojnë provimet dhe procedurat duke u bazuar në rregulloret përkatëse të UBT-së, do t’u caktohet mentori, pastaj do të kërkojnë informacione, literaturë dhe metoda për ta zhvilluar temën.

Studentët duhet të kenë takime të rregullta me mbikëqyrësin apo mentorin e temës, në mënyrë që projekti të monitorohet nga afër dhe të marrë kahjen e duhur, si në aspektin hulumtues, ashtu edhe në aspektin përmbajtesor.

Përfundimi i suksesshëm i temës Master do të ketë ndikim të madh në karrierën e studentit dhe ata do të fitojnë aftësi për t’i zbatuar njohuritë dhe shkathtësitë në projekte reale zhvillimore.