Struktura e Programit

Ky program studimi është krijuar në përputhshmëri të plotë me misionin dhe vizionin që UBT ka. Shtylla kryesore e këtij programi është zhvillimi i përgjithshëm ekonomik dhe shoqëror, duke rritur inovacionin dhe duke ofruar mundësi unike për zhvillimin e sektorit privat dhe publik. Qëllimi kryesor i këtij programi është që të ofroj mundësi të avancimit të njohurive praktike për kandidatët të cilët kan përfunduar studimet bachelor. Këto njohuri do të përfshijnë specializime në fushën e mikroekonomisë dhe makroekonomisë, hulumtimit shkencor, financave, teknologjisë dhe modeleve të biznesit, lëndë të cilat janë të parapara në vitin e parë të studimeve, përderisa, në semestrin e tretë, ndahen edhe specializimet e këtij programi, në katër fusha kryesore.

Ngarkesa e studimit është 30 ECTS për semestër. Kandidatët duhet të marrin – për të mbajtur statusin e kandidatit – të paktën 45 ECTS si kandidat me kohë të plotë për një vit akademik. Dokumenti themelor për organizimin e studimeve është orari i hartuar për një semestër. Me ndihmën e orarit, është e mundur të garantohet një shpërndarje e barabartë e ngarkesës së studimit gjatë gjithë periudhës së studimeve.