Struktura e Programit

• Njohuritë themelore: Struktura e progromit fillimisht ofron module që kanë për qëllim të sigurojnë njohuri të përbashkëta për të gjithë të diplomuarit, pa marrë parasysh përqendrimin e tyre dhe rolin e parashikuar që do të kenë për të ardhmen. Kurset e përzgjedhura të ofruara në vitin e parë të studimeve pasdiplomike u mundësojnë studentëve të marrin nivelin e familjaritetit të përcaktuar në Taxonomy Bloom. Dy kurse zgjedhore të ofruara gjatë vitit të parë i japin fleksibilitet studentëve në zotërimin e njohurive të mëtejshme kompjuterike dhe njohurive inxhinierike për të mundësuar në përzgjedhjen e koncentrimit në vitin pasues. Zgjedhja e parë u ofron studentëve mundësinë për të zotëruar shkencën kompjuterike, ndërveprimin njeri-kompjuter, sistemet paralele dhe të shpërndara dhe sigurinë e informacionit.

Pjesa më e madhe e lëndëve zgjedhore të caktuara trajtohen horizontalisht si pjesë e kurseve kryesore, por zgjdhjet ofrohen për të siguruar që studenti të ketë mundësi për ta specializuar më tej fushën. Opsioni i dytë zgjedhor ka për qëllim t’u ofrojë studentëve mundësinë për të zotëruar fushat me rëndësi për shkencën kompjuterike dhe profesionin e inxhinierisë, gjegjësisht, menaxhimin e projekteve, ekonominë dhe financat, marketingun, psikologjinë, etj.

• Etika dhe zhvillimi profesional: Moduli bazë për etikën, ligjin dhe komunikimin synon të sigurojë disa nga rregullat dhe rregulloret themelore shoqërore, etike dhe ligjore që mbështesin shkencën kompjuterike dhe disiplinën inxhinierike. Komponenti i komunikimit të këtij moduli ka për qellim t’ju mundësojë studentëve të përmirësojnë disa prej aftësive të domosdoshme të komunikimit në zhvillimin profesional.

• Specializimi: Programi ofron fleksibilitet për studentët për të zotëruar një fushë specifike të specializimit në shkencat kompjuterike dhe inxhinieri (fushë ose program).

• Përvoja në Temën e Masterit: Ky komponent i ofron studentin në dy module obligative: metodat e hulumtimit (semestri i tretë) dhe projekti i temës së Masterit në semestrin e katërt. Komponenti ka për qëllim t’i ofrojë studentit mundësinë për të zgjedhur një mënyrë të preferuar kërkimi shkencor dhe ndërlidhje me industrinë në fushën e specializimit.