Kriteret e Pranimit
Pranimi i studentëve rregullohet nga Rregullorja e Pranimit të Këshillit të Fakultetit. Të gjithë aplikantët brenda kuotave të regjistrimit për studentët me kohë të plotë që kanë përfunduar studimet bachelor me 180 ECTS kanë të drejtë të regjistrohen në program. Pranimi në studime bëhet në bazë të një thirrjeje publike duke paraqitur në Kolegjin UBT aplikimin për regjistrim duke plotësuar praktikën standarde të përcaktuar nga Këshilli i Fakultetit.
Përzgjedhja e kandidatëve kryhet nga një komision i përbërë nga staf akademik dhe administrativ, të cilët vlerësojnë aplikimet bazuar në kritere të përcaktuara qartë. Ky proces siguron që çdo kandidat i përzgjedhur të ketë njohuritë dhe kompetencat paraprake të nevojshme për të pasur sukses në program.
Sipas RVV-së, programi i studimit është i hapur për studentët që kanë përfunduar studimet Bachelor në Inxhinieri Energjie dhe fusha përkatëse (Inxhinieri Elektrike, Inxhinieri Mekanike, Inxhinieri Kompjuterike, Inxhinieri Ndërtimi, Fizikë, Inxhinieri Mjedisore, Mekatronikë dhe fusha të tjera të lidhura me Energjinë).
Për studentët nga disiplina të tjera: Studentët që nuk vijnë nga disiplina kryesore që lidhet me programin duhet të kalojnë provimet e mëposhtme kalimtare:
Regjistrimi i të diplomuarve jo në inxhinieri energjitike do të bëhet nga 01.06 deri më 20.06. Kurset kalimtare do të zhvillohen nga korriku deri në tetor. Studentët duhet të kalojnë provimet kalimtare nëse duan të vazhdojnë me semestrin e rregullt që fillon në tetor.
Procesi i pranimit është i drejtë, konsistent dhe jo-diskriminues, duke siguruar mundësi të barabarta për të gjithë aplikantët. Procedurat për njohjen e arritjeve të mëparshme akademike dhe lehtësimin e transferimit të studentëve nga institucione të tjera janë të përcaktuara qartë dhe të arritshme, duke siguruar transparencë dhe përputhshmëri me rregulloret kombëtare dhe institucionale.
Për studentët e transferuar nga universitete të tjera, procesi i pranimit në Kolegjin UBT siguron që lëndët e përfunduara më parë të rishikohen me kujdes për përputhshmëri me programin Inxhinieria e Energjise dhe Mjedisi MSc. Sipas nenit 34, pika 5 e Ligjit për Agjencinë e Akreditimit të Kosovës, transferimi mund të bëhet vetëm nga programet e studimit, të cilat kanë një ngjashmëri përmbajtjesore me programin Inxhinieria e Energjise dhe Mjedisi MSc të paktën 70%. Përveç kësaj, transkriptet e lëndëve duhet të dorëzohen dhe të rishikohen nga Nënkomiteti i Transferimit të Fakultetit. Nëse lëndët janë të njëjta dhe kanë të njëjtën përmbajtje, ato njihen automatikisht. Për ato me përmbajtje të ngjashme, duhet të dorëzohen përshkrimet e lëndëve, dhe Nënkomiteti i Transferimit të Fakultetit i vlerëson ato për të përcaktuar nëse lëndët kanë tituj të njëjtë ose të ngjashëm dhe kredite ECTS ekuivalente. Për t’u njohur, një lëndë duhet të ketë të paktën 70% ngjashmëri në aspektin e rezultateve të të nxënit, objektivave dhe përmbajtjes krahasuar me lëndën ekuivalente në programin Inxhinieria e Energjise dhe Mjedisi MSc.