Ndërlidhja me Industrinë dhe Partneriteti

Programi Bachelor në Turizëm (BA) në UBT është ndërtuar mbi një bashkëpunim të ngushtë dhe të vazhdueshëm me industrinë e turizmit, hotelerisë dhe mikpritjes, me qëllim që procesi mësimor të reflektojë zhvillimet më të fundit të sektorit dhe kërkesat reale të tregut të punës. Fakulteti angazhon në mënyrë aktive partnerë nga sektori privat, institucionet publike dhe organizatat profesionale në hartimin, zhvillimin dhe përditësimin e programit të studimit, duke siguruar që rezultatet e të nxënit të jenë në përputhje me nevojat e industrisë.  

Për hartimin e programit dhe përcaktimin e rezultateve të të nxënit janë zhvilluar konsultime me shoqata biznesi, kompani të sektorit të turizmit dhe anëtarët e Bordit Industrial të Programit. Këto konsultime evidentuan nevojën për profesionistë të kualifikuar, të aftë për të komunikuar dhe bashkëpunuar në mjedise ndërkombëtare, si dhe për të zbatuar strategji moderne të zhvillimit të turizmit. Kontributi i palëve të interesit ka qenë thelbësor në përmirësimin e vazhdueshëm të kurrikulës dhe përshtatjen e saj me zhvillimet e tregut.  

Në përputhje me misionin e tij, Fakulteti i Turizmit bashkëpunon vazhdimisht me industrinë duke ofruar, krahas programit të studimit, trajnime profesionale, certifikime dhe aktivitete për zhvillimin e aftësive. Ky bashkëpunim synon të përgatisë studentët për tregun e punës përmes përditësimit të vazhdueshëm të programeve studimore, përdorimit të teknologjive moderne dhe zhvillimit të kompetencave që kërkohen nga punëdhënësit.  

Një komponent i rëndësishëm i programit është praktika profesionale, e cila u mundëson studentëve të zbatojnë njohuritë teorike në mjedise reale pune. Për këtë qëllim, UBT ka krijuar Qendrën e Ekspertizës për Hoteleri dhe Turizëm, ku studentët zhvillojnë praktikën profesionale, aftësohen në përdorimin e standardeve bashkëkohore të industrisë dhe fitojnë përvojë praktike që rrit konkurrueshmërinë e tyre në tregun e punës.  

Partneriteti me industrinë reflektohet gjithashtu në organizimin e vizitave studimore, ligjëratave nga ekspertë të fushës, seminareve profesionale, konferencave dhe aktiviteteve të tjera që krijojnë ura të forta bashkëpunimi ndërmjet studentëve dhe punëdhënësve potencialë. Përmes këtyre aktiviteteve, studentët njihen me praktikat më të mira të sektorit, zhvillimet teknologjike dhe sfidat bashkëkohore të industrisë së turizmit dhe mikpritjes.  

Programi synon gjithashtu të kontribuojë në zhvillimin ekonomik dhe social të Kosovës duke përgatitur profesionistë të aftë për të mbështetur zhvillimin e sektorit privat, promovimin e investimeve në turizëm dhe përmirësimin e modeleve të biznesit. Nëpërmjet bashkëpunimit me partnerët institucionalë dhe industrinë, Fakulteti krijon një mjedis ku arsimi, kërkimi shkencor dhe praktika profesionale ndërthuren për të ofruar një përgatitje të plotë dhe të qëndrueshme për studentët.

Fakulteti i Turizmit ka krijuar dhe mban lidhje të ngushta me sektorin e industrisë, të kontribojnë në programet studimore të fakultetit tonë, të dizajnuara në mënyrë që programi t’i plotëson nevojat e industrisë. Bashkëpunimi me industrinë vendore ka qenë një nga pikat e forta të UBT dhe kanë krijuar partnerët e tyre në fokusin e tyre të studimit ku Fakulteti i Turizmit është fokusuar në industrin e Turizmit,Hotelierisë Gastronomisë dhe Agjensive Turistike.