Programi Bachelor në Turizëm (BA) në UBT zhvillohet në përputhje të plotë me misionin institucional të UBT-së, duke promovuar përsosmërinë në mësimdhënie, mësimnxënie dhe kërkim shkencor në një mjedis gjithëpërfshirës me studentin në qendër të procesit akademik. Programi synon të përgatisë të diplomuar të dalluar, të gatshëm për të marrë role udhëheqëse në sektorin e biznesit, industrisë së turizmit, shërbimit publik dhe shoqërisë. Në të njëjtën kohë, ai kontribuon në krijimin dhe transferimin e njohurive, duke mbështetur zhvillimin arsimor dhe profesional në kontekst kombëtar dhe ndërkombëtar.
Programi ofron njohuritë më të avancuara në fushën e turizmit, duke kombinuar arsimin akademik me ekspertizën ndërkombëtare dhe duke krijuar një mjedis bashkëpunimi ndërmjet studentëve, stafit akademik, administratës dhe komunitetit. Përmes kësaj qasjeje, studentët përfitojnë një përvojë studimi që nxit zhvillimin profesional, ndërveprimin akademik dhe angazhimin aktiv në komunitet.
Objektivi kryesor i programit është formimi i ekspertëve dhe specialistëve të mirëfilltë në fushat praktike të turizmit. Programi është i orientuar drejt aplikimit praktik dhe synon pajisjen e studentëve me aftësi profesionale dhe njohuri të thelluara në fushën e turizmit, duke krijuar bazën e nevojshme për një karrierë të suksesshme profesionale. Përmbajtja e programit gërsheton njohuritë teorike dhe praktike, duke zhvilluar mendimin kritik dhe kreativ të studentëve dhe duke i njohur ata me çështjet bashkëkohore dhe sfidat kryesore të industrisë së turizmit përmes metodave moderne të mësimdhënies dhe praktikave më të mira akademike.
Programi mbështet misionin institucional të UBT-së duke krijuar mundësi të vazhdueshme për zhvillim akademik, kërkim shkencor dhe ndërkombëtarizim. Ai lidh teorinë me praktikën, duke u mundësuar studentëve të marrin përgjegjësi për procesin e tyre të të nxënit, ndërsa njëkohësisht kontribuon në avancimin e misionit të universitetit dhe forcimin e bashkëpunimit me komunitetin dhe industrinë. Fakulteti i Turizmit angazhohet gjithashtu në ofrimin e trajnimeve, certifikimeve dhe programeve të zhvillimit profesional, të cilat i përgatisin studentët për kërkesat e tregut të punës përmes përshtatjes së vazhdueshme të programeve studimore dhe përdorimit të teknologjive moderne.
Programi përfshin praktikat bashkëkohore të biznesit dhe zhvillimet më të reja teknologjike, shkencore dhe pedagogjike, duke u harmonizuar me nevojat e ekonomisë së Kosovës dhe sektorit të turizmit. Një nga synimet kryesore është ofrimi i një programi studimor modern që kontribuon në zhvillimin e potencialit profesional të burimeve njerëzore dhe në përgatitjen e të diplomuarve për tregun vendor dhe ndërkombëtar të punës. Përmes njohurive në ekonominë turistike, menaxhimin, biznesin dhe promovimin e investimeve në turizëm, programi synon të mbështesë zhvillimin ekonomik dhe social të Kosovës dhe të rrisë konkurrueshmërinë e sektorit privat.
Objektivat kryesore të programit
Programi Bachelor në Turizëm synon të: