Studentët

Pse të studioni në Fakultetin e Shkencave të Sportit dhe Lëvizjes – UBT?

Fakulteti i Shkencave të Sportit dhe Lëvizjes në UBT ofron programe moderne studimi në nivel Bachelor dhe Master, të dizajnuara për studentë që synojnë karrierë në sport, shëndet, aktivitet fizik, rehabilitim dhe menaxhim sportiv. Programet janë të ndërtuara mbi standarde evropiane dhe kombinojnë në mënyrë të balancuar teorinë, praktikën dhe kërkimin shkencor.

Në nivel Bachelor, studentët zhvillojnë njohuri dhe shkathtësi praktike në fushat e:

• shkencës së sportit dhe lëvizjes,
• performancës fizike, trajnimit dhe edukimit fizik,
• rehabilitimit dhe mirëqenies,
• menaxhimit sportiv dhe organizimit të aktiviteteve sportive.

Mësimi zhvillohet nëpërmjet praktikës në laboratorë, palestra, projekte në terren dhe praktika profesionale, në bashkëpunim me klube sportive, shkolla dhe institucione shëndetësore.

Programi Master në Shëndet dhe Aktivitet Fizik përgatit profesionistë të specializuar në:

• promovimin e shëndetit dhe stilit aktiv të jetesës,
• punën me grupe të moshave të ndryshme,
• parandalimin dhe menaxhimin e sëmundjeve kronike përmes aktivitetit fizik,
• rehabilitimin, inkluzionin social dhe hulumtimin shkencor.

Studentët e të dy niveleve përfitojnë nga:

• mësimdhënie student-centrike dhe grupe të vogla studimi,
• laboratorë dhe ambiente moderne trajnuese,
• praktika profesionale dhe internship,
• rrjetëzim profesional dhe përgatitje për tregun e punës.

Të diplomuarit e këtij fakulteti janë të përgatitur për karrierë në sport profesional, shëndet publik, rehabilitim, edukim fizik, qendra fitnesi, institucione shëndetësore, organizata sportive dhe kërkim shkencor, si dhe për vazhdim studimesh në nivel doktorature.