Kampanja “Leading the Way” e UBT-së është një iniciativë strategjike e nisur në qershor të vitit 2024 për të pozicionuar UBT si një institucion kryesor për arsimin e lartë në Kosovë dhe më gjerë. Kampanja ka për qëllim të bashkojë individë të rinj, duke i ftuar ata të bëhen pjesë e një institucioni udhëheqës, të njohur për shkëlqimin e tij në arsim, inovacion dhe ndikim shoqëror.
Në thelb, “Leading the Way” ka për qëllim të frymëzojë, angazhojë dhe fuqizojë gjeneratën e ardhshme të liderëve. Ajo synon të bashkojë individë ambiciozë nga grupe të ndryshme dhe t’i ftojë ata të bëhen pjesë e një institucioni që nuk ndjek tendencat globale – por i krijon ato. UBT është i njohur gjerësisht për programet e tij të avancuara, diplomat e akredituara ndërkombëtarisht dhe partneritetet e forta me universitete të njohura globale dhe liderë të industrisë.
Kampanja “Leading the Way” është ndërtuar mbi disa elementë kyç që reflektojnë vizionin strategjik dhe identitetin institucional të UBT-së. Në thelb është besimi në fuqizimin e të rinjve përmes një arsimi të cilësor dhe të njohur ndërkombëtarisht, që i pajis ata me aftësitë dhe mendësinë për t’u bërë liderë të së ardhmes. Ajo gjithashtu i jep rëndësi arritjes së UBT-së në nivel global përmes partneriteteve ndërkombëtare, mundësive për mobilitet studentor dhe programeve të dyfishta të diplomave, duke u ofruar studentëve mundësi për t’u lidhur me një rrjet akademik dhe profesional global.
Një pjesë qendrore e kampanjës është fokusi i saj në ndikimin shoqëror – duke inkurajuar studentët që të përdorin njohuritë dhe lidershipin e tyre për të kontribuar në zhvillimin e qëndrueshëm, mirëqenien e komunitetit dhe ndryshime pozitive. Përmes mesazhit të bashkërenduar #jointheLEADER, kampanja i bën thirrje individëve ambiciozë të bëhen pjesë e një komuniteti akademik të gjallë dhe të orientuar nga e ardhmja që udhëheq me qëllim dhe vizion.
Hashtagu #jointheLEADER është një element kyç i kampanjës “Leading the Way” të UBT-së. Ai shërben si një thirrje për veprim, duke nxitur studentët e mundshëm të lidhen me UBT-në – një institucion udhëheqës në arsimin e lartë në Kosovë dhe në Ballkanin Perëndimor.
Që nga Qershori i vitit 2024, të dhënat analitike tregojnë ndikimin e madh digjital të kampanjës së UBT-së “Leading the Way” në rrjetet sociale. Në Facebook, kampanja ka gjeneruar 16.1 milionë shikime, ka arritur tek mbi 2 milionë përdorues unikë dhe ka regjistruar 157,400 ‘content interactions’, duke reflektuar një angazhim të lartë dhe lidhje me audiencën. Videoja zyrtare e lansimit ka arritur 2.2 milionë shikime, duke kaluar 1 milion shikime brenda vetëm 8 ditëve nga lansimi. Ndërkohë, në Instagram, kampanja ka vazhduar me të njëjtin ritëm, duke arritur 4.9 milionë shikime dhe një ‘reach’ prej 800,000 përdoruesish, duke forcuar praninë e saj tek audienca më e re dhe digjitalisht aktive. Këto të dhëna nënvizojnë shtrirjen e gjerë, përfshirjen e lartë dhe efektivitetin e kampanjës në shtrirjen e mesazhit dhe vizibilitetit të brendit të UBT-së në platformat digjitale.
Duke u bashkuar me UBT-në, studentët bëhen pjesë e një komuniteti dinamik dhe të orientuar nga e ardhmja që i fuqizon ata të udhëhoqen në fushat e tyre, të nxisin ndryshime të rëndësishme dhe të kontribuojnë në zhvillimin lokal dhe global.