Ndërlidhja me Industrinë dhe Partneriteti

Mbi 90 % e kapaciteteve prodhuese të energjisë në Kosovë gjendet në dy termocentrale Kosova A dhe Kosova B, të cilat operojnë me linjit, kurse pjesa tjetër e konsumit mbulohte nga prodhimi i energjisë nga Burimet e Ripërtëritshme të Energjisë (BRE) si dhe importi.

Energjia është identifikuar si prioritet kryesor kombëtar për Qeverinë dhe përqendrohet kryesisht në investime të mëdha në përmirësimin e sistemit të transmisionit të energjisë, shpërndarjes së energjisë si dhe zhvillimin e kornizës ligjore për prodhimin e energjisë së rinovueshme, e cila është e paraparë edhe me Startegjinë e re për Energji në Republikën e Kosovës 2023-2031.

Sfidat kryesore me të cilat përballet sektori i energjisë në Kosovë janë: Zhvillimi i infrastrukturës energjetike, lehtësimi i investimeve për furnizim të rregullt me energji, zhvillimi i skemave inovative të financimit për investime kapitale dhe reflektimin e tyre në koston dhe çmimin e energjisë.

Përmirësimi i sigurisë dhe furnizimin me energji nënkupton, ndër të tjera, promovimin e diversitetit, efikasitetit dhe fleksibilitetit brenda sektorit.

Në shumicën e programeve të studimeve bazë në UBT, studentëve u kërkohet të kryejnë punë praktike dhe/ose laboratorike.

Programi Inxhinieri e Energjisë BSc përfshin një lëndë në semestrin e katërt të quajtur “Praktikë” (me 6 ECTS) dhe një lëndë në semestrin e gjashtë të quajtur “Praktikë/Projekt në Industri” (15 ditë pune, me 6 ECTS), të cilat kontribuojnë drejtpërdrejt në zhvillimin e punës praktike të studentit. Në këto lëndë, studentët bashkëpunojnë me sektorin publik dhe privat në fushën e inxhinierisë së energjisë në Kosovë. Praktika zhvillohet në ambientet e kompanive partnere të programit Inxhinieri e Energjisë BSc; fillimisht, drejtuesi i lëndës konfirmon temat e punës praktike për secilin student, më pas studentët duhet të raportojnë mbi punën e tyre te mentori i lëndës, të përgatisin punimin praktik dhe në fund ta mbrojnë atë para profesorëve të fushave përkatëse.

Qëllimet e punës praktike ndryshojnë, por zakonisht përfshijnë:

• Lidhjen e teorisë me praktikën.
• Mësimin e përdorimit të pajisjeve.
• Kuptimin e metodës shkencore.
• Zhvillimin e aftësive për zgjidhjen e problemeve.
• Menaxhimin dhe analizimin e të dhënave.
• Nxjerrjen e përfundimeve dhe zhvillimin e aftësive vlerësuese.
• Zhvillimin e aftësive profesionale – p.sh. puna në ekip, prezantimi i gjetjeve, etj.

Për të lehtësuar fazat e praktikës, Fakulteti i Inxhinierisë së Energjisë lidh marrëveshje bashkëpunimi, kontrata ose dokumente të tjera me institucione/organizata, siç tregohet në tabelë.