Kolegji UBT aplikon një sistem të strukturuar për monitorimin e vazhdueshëm të progresit akademik dhe ofrimin e mbështetjes institucionale për studentët që shfaqin vështirësi në nxënie. Ky proces bazohet në vlerësimin formativ dhe përmbledhës përgjatë gjithë vitit akademik, duke përfshirë performancën në provime, detyra hulumtuese, projekte dhe punë laboratorike. Studentët me performancë jo të mjaftueshme identifikohen në faza të hershme, bazuar në kriteret akademike të përcaktuara nga fakulteti, për t’u bërë pjesë e programeve mbështetëse.
Metodologjia e monitorimit dhe ndjekjes së performancës
Në kuadër të programit BSc. Estetikë dhe Kozmetologji, sistemi i monitorimit gjurmon indikatorët kryesorë të performancës (KPIs) për të garantuar ndërhyrje në kohë:
- Shkallën e kalueshmërisë së kurseve: Identifikimi i lëndëve me shkallë të lartë dështimi dhe analizimi i nevojave për rregullime kurrikulare.
- Progresin vjetor akademik: Sigurimi i kalueshmërisë së rregullt të studentëve nga njëri vit akademik në tjetrin.
- Trendet e Mesatares së Notave (GPA): Gjurmimi i lëvizjes së GPA-së për të identifikuar rënien e performancës akademike.
- Shkallën e retencionit (ruajtjes së studentëve): Monitorimi i vazhdimësisë së studimeve, me fokus të veçantë pas vitit të parë dhe të dytë.
- Matjen e angazhimit: Ndjekja e pjesëmarrjes në leksione, seminare, projekte në grup dhe praktika klinike.
- Përdorimin e shërbimeve mbështetëse: Monitorimi i shkallës së shfrytëzimit të qendrave të karrierës, bibliotekës dhe sistemeve të tutoratit.
- Komentet dhe evaluimet e studentëve: Mbledhja e rregullt e pyetësorëve të kënaqësisë për të identifikuar pikat që kërkojnë përmirësim institucional.
Strategjitë dhe ndërhyrjet për mbështetje akademike
Kur sistemi i monitorimit identifikon rreziqe apo ngecje akademike, Fakulteti i Estetikës dhe Kozmetologjisë aktivizon mekanizmat e mëposhtëm të ndërhyrjes:
- Sistemi i Tutorial dhe Mentorimi nga Kolegët: Angazhimi i studentëve me arritje të larta (peer-tutoring) dhe mentorëve të kurseve për të ndihmuar studentët në përvetësimin e koncepteve komplekse.
- Këshillimi Akademik i Personalizuar: Caktimi i këshilltarëve akademikë nga radhët e stafit profesorat, të cilët ofrojnë udhëzime të personalizuara dhe ndihmojnë në menaxhimin e ngarkesës së kurseve.
- Aktivitetet Përgatitore dhe Mësimdhënia Plotësuese: Organizimi i seancave intensive para provimeve dhe programeve plotësuese (përfshirë shkollën verore), të cilat fokusohen në përmbushjen e rezultateve të mbetura të të nxënit dhe jo në ri-mësimdhënie të plotë.
- Zhvillimi i Shkathtësive të të Nxënit (“Learning to Learn”): Trajnime të synuara për menaxhimin e kohës, teknikat e studimit dhe përgatitjen për vlerësime praktike laboratorike.
- Rishikimi i Kurrikulës dhe Metodologjisë: Në rastet kur një kurs shfaq vështirësi sistematike për një numër të madh studentësh, departamenti inicon rishikimin e metodave të mësimdhënies, literaturës apo formateve të vlerësimit.
Ky sistem i integruar siguron mbikëqyrje, rregullim të vazhdueshëm dhe llogaridhënie, duke synuar mbajtjen e një shkalle të lartë të suksesit dhe përfundimit të studimeve në afat.