Struktura e Programit

Përmbajtja dhe struktura e programit janë koherente dhe të mirëdefinuara, duke mundësuar arritjen e rezultateve të të nxënit të programit nga studentët.

Gjatë vitit të parë, studentët fitojnë njohuri të avancuara teorike dhe praktike në teknologjitë financiare, inovacionin, analizën e të dhënave, sistemet digjitale të pagesave dhe rregullimin financiar. Në vitin e dytë, programi fokusohet në zhvillimin e kompetencave të avancuara në strategjinë e inovacionit financiar, inteligjencën e biznesit, menaxhimin e rrezikut në financën e drejtuar nga teknologjia, si dhe në përvojën praktike përmes praktikës profesionale dhe realizimit të tezës së masterit.