Qëllimet dhe Objektivat

Qȅllimet

Ekspertizë në Shëndetin Estetik Joinvaziv: Formimi i profesionistëve të lartë të aftë për të ofruar trajtime estetike që ruajnë plotësisht integritetin e barrierës kutane, pa shpime, pa injeksione dhe pa periudhë rikuperimi.
Lidership dhe Menaxhim i Qendrave Estetike: Përgatitja e studentëve për të udhëhequr, menaxhuar dhe zhvilluar nga ana biznesore qendra kozmetike, klinika të kujdesit estetik, qendra spa, resorte wellness dhe studio të avancuara të flokëve dhe trupit.
Inovacion dhe Kërkim Shkencor në Kozmetologji: Zhvillimi i kapaciteteve kërkimore për krijimin, formulimin dhe përmirësimin e produkteve kozmetike (krema, serume, maska), duke u bazuar në ndërveprimin molekular të substancave me epidermën.
Edukimit dhe Ndërgjegjësimi i Komunitetit: Angazhimi në partneritete publike dhe private për të ofruar shërbime estetike falas ose të aksesueshme, si dhe për të edukuar shoqërinë mbi mbrojtjen nga dielli, parandalimin e plakjes dhe kujdesin e shëndetshëm për lëkurën.
Përshtatje me Zhvillimet Teknologjike: Ndjekja dhe integrimi i vazhdueshëm i arritjeve më të fundit shkencore dhe pajisjeve të fjalës së fundit të teknologjisë që operojnë në fushën e estetikës joinvazive.

Objektivat

Trajnimi i studentëve në aplikimin e sigurt të peeling-ut kimik sipërfaqësor duke përdorur alfa-hidroksi acidet (AHA si acidi glikolik, laktik) dhe beta-hidroksi acidet (BHA si acidi salicilik) për trajtimin e akneve, njollave dhe rrudhave të para.
Zotërimi i teknikës së dermo-mikroabrazionit (me maja diamanti ose kristale) për largimin mekanik të qelizave të vdekura dhe përmirësimin e teksturës së lëkurës.
Aplikimi i peeling-ut me ultratinguj për një pastrim të thellë, të butë dhe pa dhimbje të poreve të fytyrës.

Aftësimi i studentëve në përdorimin e Radio Frekuencës (RF) joinvazive për stimulimin termik të kolagjenit dhe tërheqjen (lifting) e lëkurës së fytyrës dhe trupit.
Zbatimi i Fototerapisë LED (drita e kuqe, e kaltër, e gjelbër) për trajtimin e inflamacioneve, qetësimin e lëkurës dhe stimulimin e rigjenerimit qelizor.
Përdorimi i oksigjenit hiperbarik për infuzionin e serumeve me acid hialuronik dhe vitamina direkt në shtresat sipërfaqësore të lëkurës pa përdorur gjilpëra.
Trajnimi në përdorimin e teknologjisë Laser dhe IPL (Intense Pulsed Light) për epilimin e përhershëm, trajtimin e hiperpigmentimeve sipërfaqësore dhe fotorinjovimin.

Rimodelimi i trupit dhe trajtimet anti-celulit
- Aftësimi i studentëve në përdorimin e Kavitacionit me ultratinguj dhe Kriolipolizës joinvazive për reduktimin e indeve dhjamore lokale përmes metodave të jashtme fizike.
- Zbatimi i terapive me Vakum dhe masazheve mekanike për stimulimin e qarkullimit të gjakut dhe eliminimin e celulitit.
- Praktikimi i teknikave të mbështjelljes së trupit me baltë termale, alga deti ose përbërës detoksifikues për tonifikimin e lëkurës.

Trajnimi i studentëve në teknikën e Drenazhit Limfatik Manual (DLM) të fytyrës dhe trupit për reduktimin e enjtjeve (edemave) dhe largimin e toksinave.
Zotërimi i metodave të masazhit të avancuar të fytyrës (si masazhi Kobido, masazhi miofashial ose lifting manual) për përmirësimin e tonusit të muskujve të fytyrës.
Protokollimi i seancave të spa-së dhe wellness-it që kombinojnë aromaterapinë dhe trajtimet me avull (hidroterapi) për mirëqenien mendore dhe fizike të klientit.

Analizimi i hollësishëm i llojeve dhe gjendjeve të lëkurës (e tharë, e yndyrshme, e ndjeshme, me rozace) për të përzgjedhur saktë ingredientët aktivë kozmetikë.
Zhvillimi dhe testimi i formulimeve të reja kozmetike në laborator, duke garantuar stabilitetin, pH-in e duhur dhe sigurinë e tyre përpara aplikimit.
Njohja e plotë e rregulloreve kombëtare dhe ndërkombëtare (si ato të BE-së) për kontrollin e cilësisë, paketimin, marketingun e ndershëm dhe ndalimin e reklamave mashtruese në kozmetikë.

Pas përfundimit me sukses të këtij programi, të diplomuarit do të jenë të aftë të:

Aplikojnë në mënyrë të sigurt peeling-un kimik sipërfaqësor, dermo-mikroabrazionin dhe pastrimin e lëkurës me ultratinguj sipas llojeve specifike të lëkurës.
Operojnë me pajisje të avancuara estetike duke përfshirë Radioti Frekuencën (RF), Fototerapinë LED, Lazerin dhe pajisjet IPL për rininimin e lëkurës dhe largimin e qimeve.
Realizojnë trajtime joinvazive të rimodelimit të trupit duke përdorur kavitacionin me ultratinguj, kriolipolizën, terapitë me vakum dhe mbështjelljet e specializuara të trupit.
Aplikojnë teknika të avancuara manuale si Drenazhi Limfatik Manual (DLM) dhe masazhet miofashiale të fytyrës për të përmirësimin e tonusit të muskujve dhe reduktimin e enjtjeve (edemave).

Dizajnojnë formulime kozmetike inovative, të sigurta dhe të qëndrueshme (krema, serume, maska) duke përzgjedhur përbërësit aktivë të duhur bazuar në ndërveprimet molekulare.
Zhvillojnë testime laboratorike për të vlerësuar cilësinë, sigurinë, nivelet e pH-it dhe efikasitetin dermatologjik të produkteve kozmetike përpara aplikimit.
Analizojnë gjendje të ndryshme të lëkurës (p.sh. rozace, akne, plakje) për të përshtatur protokollet e trajtimit joinvaziv dhe përzgjedhjen e produkteve për klientët.

Menaxhojnë operacionet e përditshme, logjistikën, protokollet e sigurisë dhe aspektet financiare të qendrave të kozmetologjisë, spa-ve dhe klinikave të wellness-it.
Zbatojnë rregulloret kombëtare dhe ndërkombëtare (siç janë standardet kozmetike të BE-së) sa i përket sigurisë së produktit, etiketimit dhe marketingut etik.
Bashkëpunojnë me institucione publike dhe private për të ofruar shërbime të shëndetit estetik në komunitet dhe edukim të bazuar në dëshmi për kujdesin ndaj lëkurës.

Vlerësojnë literaturën aktuale shkencore dhe avancimet teknologjike në estetikën joinvazive për t’i integruar ato në mënyrë të pavarur në praktikën profesionale.
Përdorin metodat e kërkimit shkencor për t’iu përgjigjur nevojave në zhvillim të shoqërisë dhe për të nxitur inovacionin në fushën e kozmetologjisë.

UBT, për herë të parë sjell në Kosovë programet e së ardhmes