UBT merr pjesë në ceremoninë e hapjes së Venice Biennale
07/05/2026Rektori i UBT-së, Prof. Dr. Edmond Hajrizi, i shoqëruar nga stafi i UBT-së — Fisnete Hajrizi, Laura Ymeri dhe Burim Berisha — po merr pjesë në ceremoninë e hapjes së Venice Biennale, një nga ngjarjet më të rëndësishme botërore në fushën e artit dhe kulturës, që mbahet në Venice.
Në kuadër të këtij eventi, Rektori Hajrizi mori pjesë edhe në hapjen zyrtare të Pavijonit të Kosovës, të mbajtur në Chiesa di Santa Maria del Pianto, si dhe vizitoi hapësirat kryesore të bienales, përfshirë Giardini della Biennale dhe Arsenale.
Gjatë pjesëmarrjes në këtë ngjarje ndërkombëtare, janë zhvilluar dhe po vazhdojnë takime me përfaqësues të institucioneve kulturore dhe akademike nga vende të ndryshme të botës, me qëllim të krijimit të projekteve të përbashkëta, zgjerimit të bashkëpunimeve ndërkombëtare dhe promovimit të iniciativave të UBT-së, përfshirë UBT Contemporary Art Gallery.
Kjo pjesëmarrje kontribuon gjithashtu në krijimin e mundësive të reja për përfshirjen e studentëve të UBT-së në projekte dhe përvoja ndërkombëtare, duke forcuar më tej dimensionin global dhe ndërkombëtarizimin e institucionit.
