Programi Master në të Drejtën Tregtare nuk përfshin ndarje të brendshme në specializime, por është konceptuar si një program gjithëpërfshirës që synon të ofrojë njohuri të thelluara dhe të integruara në të gjitha segmentet kryesore të së drejtës tregtare. Kjo qasje u mundëson studentëve të zhvillojnë kompetenca të avancuara teorike dhe praktike, duke i përgatitur ata për sfidat e ndryshme profesionale dhe akademike në këtë fushë.
Filozofia pedagogjike e programit mbështetet mbi parimin se një ekspert i së drejtës tregtare duhet të ketë një formim të gjerë, i cili mundëson jo vetëm specializimin e mëvonshëm në fushën profesionale ose shkencore të zgjedhur, por edhe adaptimin në një treg pune gjithnjë në ndryshim dhe në kontekste të ndërlidhura juridike dhe ekonomike.