Bashkëpunimi Ndërkombëtar

Me qëllim rritjen e cilësisë së mësimdhënies dhe zgjerimin e eksperiencave akademike dhe organizative, UBT i kushton rëndësi të veçantë bashkëpunimeve me institucione akademike dhe profesionale, si brenda ashtu edhe jashtë vendit. Partnerët ndërkombëtarë të UBT-së janë institucione të njohura dhe të respektuara në fushën e drejtësisë dhe arsimit të lartë. Bashkëpunimi i ndërsjellët me këto institucione, me të cilat UBT ka nënshkruar marrëveshje bashkëpunimi, përbën mekanizmin kryesor për:

• Promovimin e iniciativave shkencore dhe shkëmbimin kulturor, me qëllim rritjen e kapaciteteve njerëzore dhe zhvillimin e cilësisë në drejtimin e studimeve;
• Nxitjen e standardeve më të larta në cilësinë e mësimdhënies dhe hulumtimit, duke përfshirë edhe integritetin etik në punën akademike;
• Inkurajimin e shkëmbimeve studentore dhe krijimin e mundësive për studime në universitetet partnere ndërkombëtare;
• Mbështetjen e mobilitetit të stafit akademik dhe realizimin e projekteve shkencore dhe të aplikueshme me karakter të përbashkët;
• Promovimin e politikave dhe vlerave për arsimin e lartë në rajon, duke theksuar rëndësinë në vendet e origjinës së institucioneve partnere;
• Zhvillimin e projekteve të përbashkëta që kontribuojnë në zhvillimin shoqëror dhe komunitar.

Përveç bashkëpunimeve lokale dhe rajonale, UBT ka arritur të nënshkruajë marrëveshje serioze bashkëpunimi me rreth 280 universitete në botë, duke zgjeruar kështu horizontet akademike dhe mundësitë e ndërveprimit kulturor dhe shkencor. Këto bashkëpunime ndërkombëtare manifestohen përmes aktiviteteve të ndryshme akademike, duke përfshirë konferenca, seminare dhe projekte të përbashkëta, të cilat krijojnë një platformë të fuqishme për njohjen dhe shkëmbimin e kulturave, zhvillimin shkencor dhe shpërndarjen e njohurive, dhe qëllimin e ndërkombëtarizimit të arsimit të lartë në UBT.