Studentët

Pse është ky program jetik për Kosovën?

Sistemi shëndetësor i Kosovës ka nevojë të madhe për profesionistë të fushës së shëndetit publik, të cilët nuk fokusohen vetëm në trajtimin e sëmundjeve, por në parandalimin, edukimin, planifikimin dhe reagimin ndaj krizave. Shembulli më i qartë është periudha e pandemisë COVID-19, ku ekspertët e shëndetit publik ishin në vijën e parë të frontit, duke organizuar testime, ndjekje të rasteve, informim të qytetarëve dhe hartim të politikave që shpëtuan jetë.

Gjithashtu, Kosova përballet me sfida serioze si ndotja e ambientit, prevalenca e sëmundjeve kronike, mungesa e edukimit shëndetësor në shkolla dhe komunitet, nevoja për promovim të jetës së shëndetshme dhe organizim të qëndrueshëm të kujdesit parësor. Ky program u jep zgjidhje praktike këtyre sfidave.

Karriera dhe mundësitë pas diplomimit

• Të diplomuarit do të jenë të aftë të punësohen në:
• Qendrat e Shëndetit Publik dhe komunale
• Institucionet e kujdesit parësor dhe preventiv
• Ministrinë e Shëndetësisë, Ministrinë e Ambientit
• Agjencinë e Ushqimit dhe Veterinarisë
• OJQ dhe organizata nëndërkombëtare si WHO, UNICEF, UNDP etj.
• Projekte komunitare dhe edukative, shkolla dhe qendra rinore

Ata mund të punojnë si:

• Koordinatorë të fushatave të vaksinimit
• Analistë të të dhënave shëndetësore
• Edukatorë shëndetësorë në komunitet
• Specialistë të higjienës dhe sigurisë ushqimore
• Konsulentë të politikave publike shëndetësore

Po ashtu, falë bashkëpunimeve të shumta nëndërkombëtare, studentët e UBT mund të vazhdojnë studimet master në universitetet europiane apo të aplikojnë për punë në institucione prestigjioze.