Përfaqësuesit në UBT, presin në takim pune drejtorin e Microsoft-it në Shqipëri, Sokol Vladi
01/11/2018Me qëllim të zgjerimit të bashkëpunimit dhe hartimin e planeve të përbashkëta, drejtori për Produkte Profesionale dhe Zhvillimore në UBT, Besnik Skenderi, ligjëruesi e udhëheqësi i ICT Akademisë në UBT, Blerton Abazi si dhe zyrtarja për Marrëdhënie Ndërkombëtare në UBT, Lirigzonë Morina kanë pritur në takim pune drejtorin e përgjithshëm të Microsoft Albania & Territory Channel Manager, Sokol Vladi.
Gjatë këtij takimi është diskutuar për hartimin e projekteve me qëllim të ngritjes së kapaciteteve profesionale, në zhvillim të qëndrueshëm dhe inovacion.
Konkretisht ata diskutuan për krijimin e grupeve për zhvillim të produkteve dhe zgjedhjeve për biznese përmes platformave të Microsoft-it që bazohen në shërbimet cloud.
Me theks të veçantë, ata diskutuan edhe për integrimin e teknologjisë në edukim sepse vlerësohet se do të ndihmojë institucionin në kurrikulat e studimit dhe studentët për integrim në teknologji.
Për të konsoliduar bisedimet në fushat e përbashkëta prioritare, ditët në vijim pritët që edhe rektori i UBT-së, prof.dr Edmond Hajrizi të takohet me drejtorin e përgjithshëm të Microsoft-it në Shqipëri, Sokol Vladin.