Lidhja e programit me llojin e licencës për mësimdhënës
Mësimdhënës fillestar
Grupi i synuar i mësimdhënësve /vijuesve
Pjesëmarrësit të cilëve do tu mundësohet ky trajnim janë mësimdhënësit dhe ata të angazhuar si mësues ndihmës nga Shkolla Fillore e Mesme e Ulët, dhe Shkolla e Mesme e Lartë.
Mësimdhënësit do të përfitojnë nga ky program trajnimi sepse do të aftësohen për të punuar me fëmijë që kanë nevojë për mbështetje të përhershme dhe për më shumë kohë dhe më shumë praktikë për të mësuar,pasi ky grup fëmijësh paraqesin vështirësi jo thjesht metakognitive,por dhe në transferimin e të mësuarit nga një mjedis në tjetrin.Mësimdhënësit do të trajnohen dhe mbi aftësitë që kërkohen për të planifikuar, monitoruar dhe ridrejtuar vëmendjen dhe strategjitë mbi mësimin..Zhvillimi profesional mbi menaxhimin e organizimit të mësimit do tu mundësojë mësimdhënësve që të jenë më efektiv në punën e tyre me nxënës, dhe të gëzojnë raporte më të shëndosha me familjet e këtyre nxënësve dhe kolegët në shkollë.
Ky program ka kohëzgjatje prej 30 orësh akademike, ku shpërndarja e orëve është si në vijim:
| Teori | 10 | 33,3% |
| Praktikë | 10 | 33,3% |
| Vetë-studim | 8 | 26,6% |
| Vlerësim | 2 | 0,6% |
| Totali: | 30 | 100% |
Pas përfundimit të trajnimit mësimdhënësit do të jenë në gjendje të:
– dallojnë aftësitë dhe kapacitetet e të nxënit të nxënësve me nevoja të vecanta
– aftësohen në zhvillimin dhe nxitjen e aftësive bazë të të nxënit si të lexuarit të shkruarit dhe shkathtësitë matematikore,për fëmijët me nevoja të vecanta
– krijojnë mjedis të përshtatshëm dhe gjithpërfshirës të të nxënit .
– nxisin socializimin ndërmjet bashkëmoshatarëve
– stimulojnë zhvillimin e kapaciteteve të ndryshme,nëpërmjet metodave të kombinuara të mësimdhënies
– të përballojnë dhe tejkalojnë në mënyrë efektive situata të ndryshme gjatë procesit mësimor