Misioni i programit është të vazhdojë promovimin e praktikave më të mira në fushën e sektorit të Modës, bazuar në kërkesat aktuale në nivel lokal dhe rajonal. Kërkesa në tregun e punës në Kosovë për profesionistë të industrisë kreative ka qenë veçanërisht e lartë gjatë viteve të fundit.
Programi i Modës (BA Profesional) në UBT është i përkushtuar krijimit të një ambienti akademik dinamik dhe inovativ që pasqyron zhvillimet e shekullit XXI. I bazuar në parimet e vetëqeverisjes pjesëmarrëse dhe një tradite të pasur të punës në grup, programi synon të frymëzojë dhe të kultivojë gjeneratën e re të dizajnerëve dhe artistëve që janë të aftë të lundrojnë në kompleksitetet e botës bashkëkohore kreative.
Misioni i programit të Dizajnit të Modës në UBT është të përgatisë studentët/diplomuarit me aftësi praktike, kritike dhe analitike, aftësi për zgjidhjen e problemeve, iniciativë personale dhe njohuri në praktikën profesionale të dizajnit të modës dhe në fusha ndërdisiplinare; të ofrojë njohuri të gjithanshme që do t’i udhëheqin drejt një karriere profesionale në fushën e Dizajnit të Modës, duke punuar në një spektër të gjerë institucionesh të modës, studio modash, film, televizion dhe teatër.
Rezultatet e synuara të të nxënit për këtë program janë si më poshtë:
- Të demonstrojë njohuri të gjithanshme mbi dizajnin e modës, me një kuptim të thellë të lëvizjeve artistike historike dhe bashkëkohore dhe parimeve të tyre.
- Të ndërtojë vepra të reja dhe me ndikim në dizajnin e modës duke përdorur njohuritë themelore të dizajnit, prerjes së modeleve dhe teknikës së drapimit.
- Të demonstrojë aftësi në komunikimin vizual brenda industrisë së modës, përfshirë përdorimin e ilustrimit digjital të modës dhe strategjive të markës, për të shprehur në mënyrë efektive konceptet e modës dhe narrativat e brendit.
- Të zgjidhë sfida komplekse në dizajnin e modës, duke treguar origjinalitet dhe aftësi krijuese në zgjidhjen e problemeve.
- Të zbatojë aftësi praktike në ndërtimin e modeleve, qepjen e veshjeve, modelimin 3D dhe prototipimin për të realizuar konceptet e dizajnit.
- Të bashkëpunojë në mënyrë efektive në projekte dizajni ndërdisiplinare, duke nxitur punën në grup dhe ndarjen e njohurive me bashkëmoshatarë dhe profesionistë të industrisë.
- Të praktikojë të mësuarit e vazhdueshëm duke eksploruar lëndë zgjedhore të ndryshme si dizajni eksperimental dhe stilizimi i modës, duke siguruar përshtatshmëri në një industri dizajni që është gjithnjë në zhvillim.
- Të organizojë zhvillimin personal dhe profesional, duke theksuar ndërtimin e portofolios, metodat e hulumtimit të dizajnit dhe përfitimin e përvojës reale përmes praktikës.
- Të prodhojë zgjidhje të gjithanshme dhe inovative për sfidat në industrinë e modës duke kombinuar njohuritë nga disiplina të ndryshme të dizajnit, përfshirë dizajnin e modës, teknologjinë e tekstilit dhe dizajnin e aksesorëve.