Vizita e përfaqësuesve të industrisë së arkitekturës në UBT: Diskutim konstruktiv për zhvillimin e fushës së arkitekturës dhe planifikimit hapësinor
09/03/2024Parku Shkencor Inovativ i UBT-së u bë vendtakimi i përfaqësuesve të industrisë së arkitekturës dhe profesorëve të UBT-së. Në një ngjarje të organizuar nga Fakultetit Arkitekturë dhe Planifikim Hapësinor në UBT, profesorët dhe studentët e UBT-së u takuan me profesionistë të njohur të arkitekturës për të ndarë eksperiencat, idetë dhe perspektivat për zhvillimin e fushës.
Delegacioni i përfaqësuesve të industrisë, përbërë nga arkitektë, inxhinierë, dhe ekspertë të fushës, diskutuan mbi inovacionet më të fundit në fushën e arkitekturës, si dhe adresuan sfidat dhe mundësitë e kësaj industrie në Kosovë.
Në sesionin e diskutimit, profesorët dhe studentët e UBT-së patën mundësinë të ndanin pyetje dhe të shpreheshin në lidhje me zhvillimet më të reja në fushën e arkitekturës dhe planifikimit hapësinor. Dialogu ndërthuri eksperiencën akademike me praktikën profesionale, duke krijuar një mjedis të pasur me njohuri dhe ide inovative.
Gjatë diskutimit u theksua nevoja për një lidhje të ngushtë midis UBT-së dhe industrisë për të përmirësuar cilësinë e arsimit dhe përgatitjen e studentëve për sfidat e tregut të punës.
Ngjarja përfundoi me një tur të përbashkët në hapësirat e Parkut Shkencor Inovativ dhe një sesion informues të rrjetëzimit, duke krijuar një mundësi të shkëlqyeshme për të vazhduar bashkëpunimin midis akademisë dhe industrisë së arkitekturës në Kosovë.
