Vazhdon konkursi në kuadër të projektit UBT dhe UNESCO kushtuar Ditës Ndërkombëtare të Dritës për të gjithë të rinjtë e Kosovës
28/01/2021Dita Ndërkombëtare e Dritës është një iniciativë globale që siguron fokus dhe i jep rëndësi dritës dhe rolit të saj në jetën e qytetarëve si në shkencë, mjekësi, komunikim dhe energji, poashtu edhe në fushën e kulturës, arsimit dhe zhvillimit të qëndrueshëm. Njëra ndër qëllimet kryesore për shënimin e kësaj dite është krijimi i mundësisë për pjesëmarrje nga sektorë të ndryshëm ku mundësohet ngritja e vetëdijes në shkencë, teknologji, art dhe kulturë, arsim, barazi dhe paqe.
Me qëllim të afirmimit të temës së Dritës edhe në Kosovë dhe rajon, UBT si lider në afirmimin e shkencës, teknologjisë dhe kulturës në Kosovë, ka krijuar bashkëpunim dhe ka organizuar një konkurs për katër fusha: Dizajn industrial të produkteve, Pikturë, Skulpturë dhe Fotografi.
Të gjitha këto aktivitete evidentohen dhe regjistrohen nga ana e UNESCO dhe bëhen publike në një rrjet global.
Konkursi do të jetë i hapur për të gjithë studentët e Kosovës.
Shpërblimet për studentët të cilët do të zgjedhën fitues janë:
– Vendi i parë – 100 euro dhe Ekspozitë, për secilën kategori nga një fitues (Pikture, Fotografi, Skulpturë, Produkt)
– Vendi i dytë – 50 euro dhe Ekspozitë, për secilën kategori nga një fitues (Pikture, Fotografi, Skulpturë, Produkt)
– Vendi i tretë – Ekspozitë, për secilën kategori nga një fitues (Pikture, Fotografi, Skulpturë, Produkt)
Kjo do të ju ndihmoj pjesëmarrësve në zhvillimin e shpirtit garues, ngritjen e aftësive profesionale dhe afirmimin ndërkombëtarë pasi që punimet më të mira do të prezantohen në web faqen e International Day of Lighting, ku artistët të njohur nga mbarë bota do të jenë prezent.
Afati i konkurimit për të gjitha kategoritë është deri me datën 15 shkurt 2021.
Aplikantët punimet mund t’i dërgojnë në emailin: [email protected] dhe [email protected]
Detajet për punime:
Fotografi:
– Aspekti kompozicional i fotografisë;
– Përfshirja e të paktën dy rregullave të kompozimit të fotografisë;
– Manipulimi i ekspozimit ndaj dritës-nga Zhanret Abstrakt ose Surreal;
– Një përshkrim i konceptit të realizimit të fotografisë;
– Fotografitë duhet të dërgohen vetëm në mënyrë elektronike në formatin JPG dhe RAW;
Dizajni Industrial:
- Projektimi i një llambe funksionale;
- Caktimi i target grupit;
– Përkufizimi i problemit;
– Hulumtimi për treg;
– Përgjigje për problemet;
– Vizatime konceptuale;
– Vizatime Teknike dhe Rendera;
– Ese për rëndësinë e dritës në jetën tonë të përditshme;
– Proto-Tipi duhet të fizik / 1: 1;
– Vizatimet teknike duhet të jenë të gjitha me dimensione 1: 3, në postera të formatit A2;
– Renderimi duhet të jetë në një poster A2;
– Eseja duhet të dërgohet në word ose PDF në formatin A4;
– Duhen dorëzuar tre postera A2 si JPG ose PDF;
Pikturë:
– Një përshkrim i shkurtër i konceptit tuaj i përbërë nga 500 fjalë;
– Puna juaj duhet të jetë një pikturë (jo digjitale);
– Piktura duhet t’i përgjigjet temës së konkursit;
5
– Puna juaj duhet të jetë origjinale;
– Autori i punës duhet të jetë student;
Skulptura:
– Një koncept i shkurtër i përbërë nga 500 fjalë;
– Skulptura duhet të jetë 40 x 80 cm (opsionale nëse është e nevojshme);
– 4 foto të vendndodhjes ku mendoni se Skulptura mund të vendoset;
– Materialet e Skulpturës (materialet duhet të përshtaten me idenë e konceptit);
– Skulptura duhet të reprezantoj temën e konceptit.