Vazhdon bashkëpunimi ndërmjet UBT-së , Quality Kosovës, Quality Austrisë dhe EOQ-së

24/04/2013

Prishtinë  24  prill 2013 –  UBT- “Quality Kosova”  dhe  “Quality Austria”,  vazhdojnë bashkëpunimin në fushën e trajnimit dhe certifikimit  të personave dhe Sistemimeve sipas standardeve ndërkombëtare dhe atyre evropiane.

 

 

Kjo u bë e ditur gjatë takimit vjetor  që u organizua  nga “Quality Austria” në  Salzburg të Austrisë, ku Presidenti  i UBT-së,  prof. dr. Edmond Hajrizi, ishte i ftuar të merrte pjesë  në rolin e ekspertit për menaxhimin e cilësisë.

 

Prof. dr. Edmond Hajrizi,  është njeriu i parë i akredituar në regjionin shqipfolës për trajnimin dhe certifikimin e personave,  për menaxhimin e cilësisë dhe auditim  sipas skenës  së ” Quality Austrisë” dhe Organizatës për Cilësi në  Evropë.

 

Kjo ka bërë të mundur që personat e interesuar  të certifikohen edhe në gjuhën Shqipe. Kjo skemë  tani ka filluar të futet edhe përbrenda studimeve të UBT-së,  ashtu që çdo student i UBT-së,  mund të studion, trajnohet  dhe njëkohësisht  të certifikohet për menaxhment  dhe auditim, të sistemeve të cilësisë.  Kjo është  bërë  e mundur falë përkushtimit të Presidentit të UBT-së, Dr. Hajrizit,  duke nënshkruar marrëveshje  adekuate me “Quality Austrinë”.

 

Në kuadër të këtij angazhimi të Presidentit të UBT-së,  në vitin 2006,  është formuar edhe “Quality Kosova”  si assosacion profesional për Menaxhment, Cilësi,  standard, certifikim dhe konfirmim.

 

Kjo organizate tani përfaqëson Kosovën në Organizatën Evropiane për  Cilësi, me çka  edhe mundon ndërlidhjen  e Kosovës dhe shqiptarëve  në forumet  dhe nivelet më të larta profesionale e shkencore në Evropë.