UBT zgjeron bashkëpunimin me MASHT-in

19/04/2013

 

Prishtinë,   19 prill  2013 – Në kuadër të marrëveshjeve të shumta që i ka UBT, me institucionet vendore dhe ndërkombëtare,  Presidenti i këtij institucioni, Prof. Dr. Edmond Hajrizi  dhe  Ministri i Arsimit,  Shkencës dhe Teknologjisë, në Republikën e Kosovës , Prof. Dr. Ramë Buja, nënshkruan një Memorandum Mirëkuptimi.

Qëllimi i këtij Memorandumi është zhvillimi i Sistemit për Publikime shkencore dhe Projekte në Kosovë.

Më konkretisht ky Memorandum përmban si Sistemin për publikime dhe projekte,   regjistrimin e institucioneve akademike (universitete, kolegje universitare dhe kolegje), regjistrimin e personave të lidhur me ndonjë nga këto institucione akademike, publikimin e punimeve, projekteve, njoftimin mbi konferencat, etj.