UBT prezantoi suksesshëm për rezultatet e saja në SEECEL
29/04/2013Prishtinë, 29 prill 2013 – Gjatë këtyre ditëve në Dubrovnik të Kroacisë, është organizuar kampi i ndërmarrësisë në kuadër të përmbylljes së fazës së parë të projektit regjional për mësimin e ndërmarrësisë (SEECEL).
Në këtë Konferencë morën pjesë përpos përfaqësueseve nga Komisioni Evropian, ETF, Qeveria Kroate, po ashtu edhe përfaqësues e tetë vendeve të regjionit të Evropës Juglindore, si dhe institucionet pjesëmarrëse në projektet pilot.
UBT në kuadër të SEECEL, ka qenë po ashtu pjesë e projekti pilot për vendosjen e mësimit të ndërrmarrëisë tek shkollat jobiznesore, dhe për këtë arsye ishte ftuar të marrë pjesë në këtë event të rëndësishëm. UBT u përfaqësua nga Presidenti i UBT-së, Edmond Hajrizi, Dekani i Fakultetit të Metronikës, Dr. Muzafer Shala, si dhe studenti Durim Dabiqaj.
UBT prezantoi rezultatet e dala të projektit përmes punimeve shumë interesante dhe inovative të studentëve, si shembuj konkrete se si mund me të vërtetë të përfitohet nga studime që përmbajnë elemente interdisciplinare dhe duke e ndërlidhur teknologjinë dhe ndërmarrësinë në kuadër të kurrikulës.
Gjate takimit u prezantua edhe faza e dyte e këtij projekti, ku UBT do të jetë përsëri pjesëmarrëse aktive në te, por tani me një dimension edhe më të madh.