UBT përgëzon institucionet e Kosovës për nderimin që po i bëjnë senatorit amerikan Dole
31/08/2020UBT përshëndet vlerësimin që institucionet e Kosovës po i bëjnë senatorit amerikan Robert Joseph Dole, me rastin e inaugurimit të bustit të tij në Prishtinë.
Vite më parë, UBT në bashkëpunim me shoqatën Miqtë e Amerikës ka nderuar senatorin amerikan Robert Joseph Dole, me çmimin “Doctor Honoris Causa and Excellence Lidership Award”, duke vlerësuar arritjet dhe kontributin e tij në ndërkombëtarizimin e çështjes së Kosovës.
Rektori Hajrizi, tha se personaliteti i senatorit Dole dhe arritjet e tij në të gjitha fushat, si politike ashtu edhe shoqërore, e bëjnë atë, jo vetëm një amerikan të ndershëm dhe të veçantë, por edhe përkrahës të sinqertë të të drejtave dhe lirive të njeriut në të gjithë botën.
“Jemi shumë të lumtur që angazhimi shumëvjeçar i senatorit Bob Dole për Kosovën u nderua përmes inaugurimit të bustit. Vizita dhe kontributi i tij i vazhdueshëm për çështjen e Kosovës erdhi në kohën më të vështirë për popullin tonë dhe ne duhet vlerësuar atë që Dole dhe populli amerikan ka bërë për Kosovën. Ai u angazhua dhe dha kontribut shumëvjeçar për ndërtimin e shtetësisë së Kosovës.”, ka thënë rektori Hajrizi.
Çmimi “Excellence Lidership Award”, u jepet personaliteteve të shquara që kanë dhënë kontribut në sfera të ndryshme sociale.
