UBT organizon trajnimin Udhëheqja e ekipeve virtuale dhe puna në distancë

16/03/2021

Puna dhe mësimi në distancë si pasojë e pandemisë COVID-19 tani veçse është bërë mëse i nevojshëm për secilin prej nesh. E gjatë organizimit të punës dhe mësimit shpeshherë ne hasim në vështirësi dhe sfida të reja që na shfaqen gjatë këtij procesi.

 

Qendra e trajnimeve në UBT organizon trajnimin Udhëheqja e ekipeve virtuale dhe puna në distancë, që iu mundëson zgjidhjen e problemeve dhe sfidave të veçanta të punës në distancë dhe me ekipe virtuale.

 

Kohëzgjatja e trajnimit është gjashtë orë, teksa në trajnim përfshihen libri, materiali i trajnimit dhe certifikimi.

 

Në këtë trajnim ju do të keni mundësi që të mësoni për:

 

• Ndërtimin e modelit efektiv për menaxhimin e punës virtuale dhe në largësi
• Dallimin ndërmjet punës së koalokuar, virtuale apo në largësi
• Vlerësimin virtual të teknologjive komunikuese, dhe zgjedhjen më të përshtatshme për aplikimin e tyre
• Definimin specifik të shkathtësive të nevojshme për menaxhimin e punës virtuale dhe në largësi
• Të bëni sesione efektive gjatë fillimit të punës me ekipe virtuale
• Identifikimin potencial të ndikimit të kulturave të ndryshme në performancën e ekipit virtual apo në largësi
• Vendosjen e metodave efektive të punës për juve dhe për ekipin tuaj