UBT – institucioni më i kërkuar nga studentët e Kosovës dhe rajonit

28/09/2018

Mijëra të rinj nga mbarë trojet shqiptare tashmë e kanë marrë statusin e studentit të rregullt të UBT-së, duke e lënë të ardhmen e tyre në duart e sigurta të profesionistëve të dëshmuar, të cilët tash 17 vite i kanë dërguar mijëra gjenerata studentësh nëpër vende të sigurta pune.

Që prej hapjes së afatit për regjistrim, studentë të shumtë kanë nisur rrugën për t’u bërë profesionistë në 18 programe inovative dhe unike studimi, të akredituara nga Agjencia e Kosovës për Akreditim, në kuadër të MASHT.

Përpos regjistrimit, studentë e rinj po vizitojnë edhe kampuset dhe degët e UBT-së, për të parë nga afër infrastrukturën moderne që do të jetë në dispozicionin e tyre përgjatë tri viteve të studimit.

Të gjithë të interesuarit e tjerë për të vijuar studimet duhet që së pari të aplikojnë online dhe më pas të bëjnë regjistrimin, përmes sjelljes së dokumenteve në UBT.

Të interesuarit mund të regjistrohen në kampuset dhe degët e UBT-së në Prishtinë, Ferizaj, Prizren, Pejë dhe Gjilan.