UBT dhe Raiffeisen Bank organizojnë garën “Data Science Business Analysis”
18/02/2020UBT dhe Raiffeisen Bank po e organizojnë për herë të dytë garën “Data Science Business Analysis”, që do të mbahet më 3 dhe 4 Prill 2020, me ç ‘rast pjesë e garës mund të bëhen studentët e nivelit bachelor dhe master të të gjitha universiteteve dhe kolegjeve publike e private në Ballkan.
Kjo garë teston shkathtësitë e kandidatëve në të dhëna dhe fushën machine learning, ndërkaq për t’u bërë pjesë e garës të interesuarit duhet të aplikojnë në grup prej 2 deri në 3 studentë. Më pas rregullat e garës dhe detyrat tjera do të jepen nga organizatorët dhe mentorët e grupeve në formë të të dhënave (datasets) të emuluara.
Në këtë garë veglat ose gjuhët programuese që do ti përdorni për analizimin e të dhënave janë: Python, R Programing, Weka, Tableau, SPSS, RapidMinder, IBM Watson etj.
Gara do të zhvillohet në Kampuset Inovative të UBT-së në Lipjan, teksa juria profesionale në bazë të rezultateve të arritura do të përzgjedh fituesit dhe do të ndaj shpërblimet në tri kategori:
Vendi i parë: 1500 EUR
Vendi i dytë: 1000 EUR
Vendi i tretë: 500 EUR
Përveç këtyre shpërblimeve, pjesëmarrësit e suksesshëm mund të fitojnë mundësinë për të vijuar praktikë profesionale me mundësi punësimi në UBT dhe Bankën Raiffeisen.
Apliko në linkun:
Për informata më të hollësishme në lidhje me garën, na kontaktoni në:
E-mail: [email protected]