Studentët dhe stafi i UBT-së, mund të bashkëpunojnë me koleget e tyre në Danimarkë

26/02/2013

 

Prishtinë,  26  shkurt 2013-  Presidenti UBT-së, Prof. Dr. Edmond Hajrizi,  në organizimin  e përkrahjen financiare nga Banka Evropiane për Rindërtim dhe Zhvillim (EBRD), e cila është mbështetëse e UBT-së,  zhvillimin e Arsimit Profesional dhe Mësimit Gjatë Gjithë Jetës në Republikën e Kosovës,  dhe me ftesë të disa institucioneve të Arsimit të Lartë të Danimarkës ka qëndruar  për një vizitë njëjavore në këtë shtet.

Presidenti i UBT, Prof. Dr. Edmond Hajrizi, gjatë qëndrimit një javor në  Danimarkë, ka zhvilluar   një varg takimesh me rëndësi, dhe të suksesshme,   më qëllim të ngritjes së ndërkombëtarizimit të  UBT-së,   dhe të sektorit të Arsimit të Lartë në Republikën e  Kosovë në përgjithësi.

Më konkretisht, gjatë qëndrimit njëjavor në Danimarkë, Presidentit i UBT-së, Dr. Hajrizi, vizitoi dhe ka zhvilluar një varg takimesh me menaxhmentin, stafin akademik dhe hulumtues si dhe përfaqësues të  niveleve  të larta të  Universitetit Roskilde (RUC).

Ka takuar  Allan Grønbæk, Menaxherin e Departamentit dhe Inovacionit në RUC, dhe që të  dyja palët kanë biseduar  për bashkëpunimin mes RUC dhe komunitetit  të  biznesit në lidhje me projektet dhe  kërkimet shkencor të studentëve.

 

 

Më pas Dr. Hajrizi,  takoi edhe  Susan Thomsen Varmer, Menaxhere e Departamentit  për Bashkëpunim Ndërkombëtar dhe të Administratës në RUC  dhe  Anita MeJens Friis Jensen, anëtare e Bordit të Menaxhimit të Universitetit të RUC-ut , dhe profesoreshë në Departamentin për Komunikim, Biznes dhe Teknologji të  Informacionit.

 

Në të gjitha takimet me personalitete e cekura më lartë, të Universitetit RUC, është diskutuar  për bartjen e praktikave të mira të Danimarkës e  posaçërisht të këtij në UBT, sidomos në fushën e interdisiplinaritetin, studimi i organizuar në projekte dhe inovacion. Po ashtu është diskutuar për projekte të përbashkëta si në edukim, shkëmbim të studentëve po ashtu edhe në projekte të përbashkëta shkencore përmes studimeve të doktoraturës apo projekteve evropiane.

Universiteti  Roskilde RUC, është Universitet  publike dhe ka 7500 studentë, zhvillon nivele të studimit nga ato bachelor deri në ato të doktoratës. Është themeluar që 50 vite më pare dhe ka  përvojë të suksesshme në gërshetimin e Departamenteve dhe të mësuarit problemor  të orientuar me punë intensive grupore.

 

Presidenti i UBT-së, Dr. Hajrizi,  ka vizituar  edhe  Shkollë e Biznesit – Henley Nordic në Kopenhagë,  dhe u  takua  me udhëheqësin e programit Leif  Bergmann dhe Drejtorin Menaxherial  Jesper Nytof,   dhe biseduan për fushën e marketingun, aktivitetet e administratës, konceptin e të mësuarit dhe të gërshetuar të kësaj shkolle.

 

Henley Nordic në Kopenhagë, është Degë e NordiC-ut nga  Mbretëria e Bashkuar,  e bazuar në shkollën e menaxhimit  private  dhe arsimimin afër  4,000 menaxherëve në më shumë se 100 vende në çdo vit.  Moduli i bazuar në strukturën e programit 1 deri 3 vite (nga certifikatës tek MBA ekzekutivi), lehtësuar nga një platformë e fuqishme e të mësuarit të gërshetuar.

Po ashtu Presidenti i UBT, Dr. Hajrizi ka vizituar edhe shkollën e biznesit  Niels Brock,  dhe u takua  me konsulentin  John  Cyril  Knudsen,  për Departamenti për Arsimin e Lartë Profesionale,  për Marketingun ndërkombëtar dhe aktivitetet  trajnuese, duke përfshirë si  kampuset  Niels Brock në Kinë, Vietnam dhe Shtetet e Bashkuara.

Niels Brock  është themeluar  që 125 vjet më parë,  është një shkollë komerciale me reputacion të lartë dhe inovativ.   Nga origjina e saj me arsimin komercial parauniversitar,  shkolla është zhvilluar në mënyrë të qëndrueshme, dhe sot ajo ofron një gamë të gjerë të kurseve dhe programeve të plota,  nga arsimi bazë profesional dhe trajnimi deri në Bachelor dhe MBA programet. Aktualisht  ka  25,000 studentë,  çdo vit ndjekin mësimet  në Danimarkë, dhe 2,000 studentë nga Kina, Vietnami dhe SHBA mësojnë në kampusin Niels Brock në Kinë, Vietnam dhe Shtetet e Bashkuara.

Ta cekim edhe njëherë se vizita njëjavore e  Presidenti të UBT-së,   Prof. Dr. Edmond Hajrizi është organizuar dhe  përkrahur financiarisht nga Banka Evropiane për Rindërtim dhe Zhvillim (EBRD), e cila është mbështetëse UBT-në zhvillimin e Arsimit Profesional dhe Mësimit Gjatë Gjithë Jetës në Republikën e Kosovës,  dhe me ftesë të disa institucioneve të Arsimit të Lartë të vendeve të cekuar me lartë .