Studentja e UBT-së, Erblina Vuniqi, fillon praktikën profesionale në Policinë e Kosovës
19/10/2026Studentja e dalluar e programit Studime të Sigurisë në UBT, Erblina Vuniqi, ka filluar praktikën profesionale në Drejtorinë e Përgjithshme të Policisë së Kosovës, në kuadër të Departamentit të Sigurisë Kibernetike.
Ky angazhim përbën një hap të rëndësishëm në rrugëtimin e saj akademik dhe profesional, duke i ofruar mundësinë që njohuritë teorike të fituara gjatë studimeve t’i zbatojë në praktikë dhe të njihet nga afër me përgjegjësitë, procedurat dhe sfidat që karakterizojnë punën në institucionet e sigurisë.
Angazhimi në fushën e sigurisë kibernetike ka rëndësi të veçantë në kohën kur zhvillimi i teknologjisë dhe rritja e përdorimit të sistemeve digjitale e bëjnë mbrojtjen e informacionit, parandalimin e kërcënimeve kibernetike dhe sigurinë e të dhënave gjithnjë e më të rëndësishme. Përmes kësaj përvoje, Erblina do të ketë mundësinë të zgjerojë njohuritë e saj profesionale dhe të krijojë një perspektivë më të qartë për sfidat dhe mundësitë e karrierës në këtë sektor.