Studentët e Shkencave të Ushqimit vizitojnë kompaninë “Fluidi” në Gjilan

24/06/2019

Me qëllim për të parë nga afër punën dhe funksionimin e një ndërmarrjeje prodhuese,

studentët e vitit të tretë të Fakultetit Shkencat e Ushqimit dhe Bioteknologjisë në UBT, kanë realizuar vizitë studimore në kompaninë Fluidi, në Gjilan.

 

Ata kanë parë nga afër teknologjinë e prodhimit dhe ambalazhimin e pijeve joalkoolike “Jaffa Champion” dhe vajit vegjetal “Floil”. Studentët u njohën me procesin e punës, teksa panë edhe ambalazhimin e pijeve dhe vajit.

 

Studentët u shprehën të kënaqur me realizimin e vizitës studimore, pasi sipas tyre, UBT po u mundëson ndërlidhjen e teorisë me praktikën.

 

Kjo vizitë është realizuar në kuadër të lëndëve: “Teknologjia e pijeve jo alkoolike dhe freskuese” dhe “Ambalanzhimi dhe ruajtja e produkteve ushqimore”.