Studentët e Fakultetit Menaxhment, Biznes dhe Ekonomi mbajtën ligjëratë tematike për praktikën në kontabilitet
09/02/2022Studenti i Fakultetit Menaxhment, Biznes dhe Ekonomi në UBT, Gent Konjuhi, ka mbajtur një ligjëratë tematike online me temën: “Praktikë në kontabilitet”, për studentët e vitit të parë, në kuadër të lëndës “Hyrje në kontabilitetetin financiar”, me profesoreshën Fidane Spahija Gjikolli.
Gjatë kësaj ligjërate, Genti ka ndarë përvojat e tij si i punësuar në kompaninë DataCom Computers, me softuerin e kontabilitetit Evidenca Financiare dhe Materiale – EFM, nga ku për së afërmi studentët u njoftuan se si funksionon softueri i kontabilitetit duke marrë shembuj të blerjes, shitjes, inventarit të mallit, akrualeve e parapagimeve e deri te reflektimi i transaksioneve në pasqyrat financiare.
Përmes këtij aktiviteti, studentët treguan një interaktivitet të frytshëm, në mënyrë që të përgatiten sa më mirë për tregun e punës, përmes profesionistëve të fushës së ekonomisë dhe kushteve moderne infrastrukturore.