Rektori i Universitetit të Salentos në Lecce, Fabio Pollice, së bashku me një delegacion nga ky institucion vizitojnë UBT-në
26/04/2024Vizita e Rektorit të Universitetit të Salentos në Lecce, Fabio Pollice, së bashku me profesorët dhe studentët e këtij institucioni, në UBT, ishte një ngjarje e rëndësishme për të dyja universitetet dhe për bashkëpunimin ndërmjet tyre.
Ata u mirëpritën me entuziazëm në Parkun Shkencor Inovativ në Lipjan, nga Rektori i UBT-së, Prof. Dr. Edmond Hajrizi, dhe stafi akademik.
Gjatë kësaj vizite, u krijua një platformë e rëndësishme për shkëmbimin e ideve, përvojave dhe projekteve në fushën e arsimit të lartë dhe shkencës. Rektori Pollice dhe delegacioni i tij patën mundësinë të njihen me infrastrukturën dhe projektet e inovacionit në UBT, duke eksploruar mundësitë e bashkëpunimit të ardhshëm në fusha të ndryshme akademike dhe shkencore.
Kjo vizitë jo vetëm që thellon marrëdhëniet midis UBT-së dhe Universitetit të Salentos, por gjithashtu hap rrugën për projekte të përbashkëta dhe shkëmbime të mëtejshme në të ardhmen. Ajo shënon një hap të rëndësishëm drejt një bashkëpunimi të vazhdueshëm dhe të suksesshëm mes dy institucioneve akademike.
