Certifikohen 200 pjesëmarrës në trajnimin për Artificial Intelligence
01/11/2021UBT në bashkëpunim me Microsoft ka mbajtur trajnimin për Inteligjencë Artificiale, trajnim ky që mblodhi rreth 200 pjesëmarrës të interesuar për të ardhmen e teknologjisë së fundit.
Në këtë trajnim, i cili është mbajtur në formën online, pjesëmarrësit patën mundësi që të marrin njohuri dhe praktika nga ekspertët e Microsoft, nga ku mësuan rreth teknikave më efektive të Inteligjencës Artificiale, që do iu shërbejnë atyre në të ardhmen për eksplorim, praktikim dhe implementim të këtyre metodave.
Përmes këtij trajnimi, pjesëmarrësit përfituan bazën e nevojshme me praktika efektive për të zgjidhur problemet e reja të botës reale, përmes Inteligjencës Artificiale.
Pjesëmarrësit e trajnimit Artificial Intelligence janë certifikuar, trajnim ky i organizuar nga Departamenti për Produkte dhe Zhvillime Profesionale në UBT dhe Microsoft.