Vesë Pakashtica dhe Valon Durguti përfaqësojnë UBT-në në një shkëmbim ndërkombëtar në Turqi
02/05/2026Profesorët e Fakultetit të Biokimisë Mjekësore dhe Bioteknologjisë në UBT, Vesë Pakashtica dhe Valon Durguti, po marrin pjesë në një shkëmbim akademik në Dicle University, duke përfaqësuar institucionin në një nga bashkëpunimet më të rëndësishme ndërkombëtare në fushën e shkencave biomjekësore.
Ky shkëmbim akademik synon forcimin e bashkëpunimit ndëruniversitar, shkëmbimin e përvojave profesionale dhe avancimin e metodave bashkëkohore të mësimdhënies dhe kërkimit shkencor.
Gjatë qëndrimit të tyre në Turqi, profesorët janë të përfshirë në aktivitete të ndryshme akademike, përfshirë ligjërata, punëtori shkencore dhe diskutime me stafin akademik të universitetit nikoqir, duke ndarë praktikat më të mira në fushën e biokimisë mjekësore.
Ky shkëmbim kontribuon në ndërkombëtarizimin e mëtejshëm të programeve akademike të UBT-së, duke e bërë përvojën e studentëve më të pasur dhe më të lidhur me trendet globale.
