UBT shpall të hapur thirrjen për pranimin e abstrakteve për Konferencën Ndërkombëtare të UBT-së

08/09/2021

Institucioni më i madh i arsimit të lartë në vend – UBT, ka filluar përgatitjet për organizimin e edicionit të 10-të të Konferencës Ndërkombëtare për Shkencë, Teknologji, Biznes dhe Inovacion, edicion ky që këtë vit është jubilar, duke dëshmuar edhe njëherë përkushtimin që ka ky institucion për shkencë, teknologji e inovacion, duke sjellë në Kosovë shkencëtarët dhe ekspertët më të mirë nga gjithë bota.

 

Kësisoj, UBT ka shpallur të hapur thirrjen për pranimin e abstrakteve për të gjithë hulumtuesit shkencorë dhe të tjerë që duan të bëhen pjesë e kësaj konference, që është organizimi më i madh shkencor i bërë ndonjëherë në vend, e që sivjet për fokus ka reziliencën dhe qëndrueshmërinë.

 

Konferenca Ndërkombëtare për Shkencë, Teknologji, Biznes dhe Inovacion e UBT-së, aktivitetin shkencor të saj do ta shtrijë në 24 fusha të ndryshme që do të mbahen njëkohësisht, përfshirë:

 

• Shkenca Kompjuterike dhe Inxhinieri e Komunikimit
• Menaxhment, Biznes dhe Ekonomi
• Mekatronikë, Inxhinieri e Sistemeve dhe Robotikë
• Inxhinieri e Energjisë Efiçiente
• Sisteme të Informacionit dhe Siguri
• Arkitekturë – Planifikim Hapësinor
• Inxhinieri Ndërtimore, Infrastrukturë dhe Ambient
• Juridik
• Shkenca Politike
• Gazetari, Media dhe Komunikim
• Agrikulturë, Shkenca të Ushqimit dhe Teknologji
• Shkencat Farmaceutike dhe Natyrore
• Dizajn i Integruar
• Psikologji
• Edukim dhe Zhvillim
• Modë
• Muzikë Moderne dhe Audio Produksion
• Art dhe Media Digjitale
• Stomatologji
• Mjekësi e aplikuar – Infermieri
• Mjekësi – Infermieri dhe Shkencat Teknike Mjekësore (Radiologjia dhe Anesteziologjia)
• Sport
• Gjuhë dhe Kulturë
• Studime të Sigurisë

 

Për më shumë informacione dhe detaje të tjera rreth konferencës, klikoni në: https://conferences.ubt-uni.net/2021/ teksa pyetjet tuaja shtesë mund t’i dërgoni në email adresën: [email protected]