UBT organizon konferencë ndërkombëtare në nivel botëror
22/10/2010Do marrin pjesë mbi 50 shkencëtarë
“Qëllimi i konferencë është bashkëpunimi ose ndërlidhja e përvojave që vijën nga komuniteti akademikë, shkencëtar, profesionistë në lidhje me hulumtimin ose gjetjen e modeleve më efikase për stabilitetin e botës. Në këtë rast, për këtë stabilitet rol të madh luanë zhvillimi i teknologjisë. Dhe për këtë çështje, për tri ditë me radhë do të debatojmë, përmes publikimeve që do zhvillohen nga shkencëtaret botëror në Kosovë pikërisht në UBT”, tha Presidenti i UBT, Prof. Dr. Edmond Hajrizi, në press konferencën për media të organizuar sot në UBT.
UBT, këtë vit është organizator dhe mikpritës e Konferencës ndërkombëtare SWIIS 2010 Workshop on Supplemental Ways for Improving International Stability, e cila nisë punimet nga fundi i muajit tetor 2010, më saktësisht më datën 27, 28 dhe 29 tetor 2010.
Me këtë rast , sot në hollin e objektit të UBT, Presidenti i institucionit në fjalë, Prof. Dr. Edmond Hajrizi, organizoj konferencë me media vendore dhe ndërkombëtare dhe tha:
“UBT, javën e ardhshme organizon konferencë ndërkombëtare në nivel botëror SWIIS 2010 Workshop on Supplemental Ways for Improving International Stability ose Gjeta e rrugëve shtesë për stabilitetin ndërkombëtar.
Qëllimi i konferencë është bashkëpunimi ose ndërlidhja e përvojave që vijën nga komuniteti akademikë, shkencëtar, profesionistë në lidhje me hulumtimin ose gjetjen e modeleve më efikase për stabilitetin e botës. Në këtë rast, për këtë stabilitet rol të madh luanë zhvillimi i teknologjisë. Dhe ne, për tri ditë me radhë do të debatojmë, përmes publikimeve që do bëhen nga shkencëtaret botëror në Kosovë pikërisht në UBT
Tema janë mjaft të zgjeruara por më shumë janë të fokusuar si: Aspektet sociale i teknologjisë, menaxhimi dhe ndryshimet në teknologji, aspektet etikës dhe ndërlidhja e etikës me teknologjinë, etj. Më tutje do të debatohet edhe për studime se si janë bërë transferet teknologjik në botë dhe si kanë ndikuar në zhvillimet pozitive sociale.
Po ashtu do të prezantohen tema nga aspekti ambiental dhe mjedisor, për modelimin ekonomiko-sociale, menaxhimin e dijës, globalizimi dhe roli i tij ndërkombëtare në stabilitetit, kompleksitetin e sistemit, rrjetet dhe bashkëpunimi social.
Kjo konferencë është kaptinë e konferencave të Federatës Ndërkombëtare e Kontrollit Automatik (IFAC). Organizata ne fjalë ka shpreh pëlqimin që konferencën SWIIS 2010 Workshop on Supplemental Ways for Improving International Stability, ta organizoj në Kosovë, në fakt në UBT, dmth, UBT është mikpritës dhe organizatore e një konference më përmasa botërore .
Konferenca ka peshë të madhe në të gjitha aspektet, po i ceki vetëm dy si: Kosova veç po hynë në invente shkencore botërore dhe e dyta sepse në Kosovë po vijë shkencëtar të ndryshëm të botës.
Publikimet që do prezantohen në konferencë janë të recensuar ne nivel shkencorë, as një publikim nuk do të zhvillohet pa pas kaluar nëpër revista shkencore, madje publikime nw fjalë do të publikohen në revista shkencore të nivelit botërore.
Mbrapa kësaj konference është një listë e madhe e shkencëtarëve e kontribuueseve, në këtë rast kemi kolege që janë nga ShBA, Shqipëria, Austria, Rumani, Portugalia , Turqia, Greqia, Skotlanada, Polonia, Irlanda, Gjermania, Kina, etj…, të gjithë janë të komunitete shkencorë.
Do marrin pjesë mbi 50 shkencëtarë.
Organizator dhe sponsor të Konferencës në fjalë janë Universiteti i Vjenës e Teknologjisë, IHRT, UBT dhe Federata Ndërkombëtare e Kontrollit Automatik (IFAC)”, përfundoi Presidenti i UBT-së, Prof. Dr. Edmond Hajrizi.
Konferenca nisë punimet më 27 deri më 29 tetor 2010, mbahet në objektin e UBT. Prishtinë.