UBT akreditohet nga PeopleCert për trajnimin dhe certifikimin PRINCE2

14/11/2025

UBT përsëri është akredituar si qendër trajnuese dhe certifikuese nga PeopleCert për ofrimin e programeve PRINCE2, duke mundësuar studentëve dhe profesionistëve një qasje fleksibile dhe të strukturuar për menaxhimin e projekteve në të gjitha llojet e industrive dhe nivelin e kompleksitetit.

Programet e certifikimit PRINCE2 janë të dizajnuara për:

Menaxherë projektesh, udhëheqës ekipesh dhe staf mbështetës projektesh.

Individë që kërkojnë të avancojnë aftësitë e tyre në menaxhimin e projekteve në fusha si IT, ndërtim, qeveri dhe sektorë të tjerë ku menaxhimi profesional i projekteve është kritik.

Trajnimi ofrohet nga profesionistë të certifikuar nga PeopleCert, përfshirë Dr. Besnik Skenderi, dhe përfshin dy nivele:

Niveli Themelor (Foundation): Kupton bazat e metodologjisë PRINCE2.

Niveli Praktikant (Practitioner): Përgatit pjesëmarrësit për zbatimin praktik të metodologjisë në menaxhimin e projekteve reale.

Ky certifikim i njohur ndërkombëtarisht u mundëson pjesëmarrësve të rrisin aftësitë profesionale dhe të avancojnë karrierën në fushën e menaxhimit të projekteve.