Mundësi të reja ndërkombëtare për studim në kuadër të UBT Global

20/07/2026

UBT Global prezanton një gamë të re programesh profesionale dhe akademike, të krijuara për maturantë, studentë, profesionistë dhe menaxherë që synojnë të avancojnë njohuritë, karrierën dhe kualifikimet e tyre sipas standardeve britanike.

Programet ofrohen në bashkëpunim me OTHM dhe janë pjesë e Kornizës së Rregulluar të Kualifikimeve në Mbretërinë e Bashkuar – RQF. Kualifikimet OTHM janë të rregulluara nga Ofqual dhe mundësojnë vazhdim të mëtejshëm të studimeve në universitete në Mbretërinë e Bashkuar dhe në vende të tjera, në përputhje me kushtet e institucionit pritës.

Programet e reja

Niveli 4 – RQF

•     Menaxhim i Turizmit dhe Hotelerisë
•     Tourism and Hospitality Management
•     Siguri Kibernetike
•     Diploma in Cyber Security
•     Menaxhim i Kujdesit Shëndetësor dhe Social
•     Health and Social Care Management
•     Menaxhim Biznesi
•     Business Management

Niveli 5 – Diploma të zgjeruara

•     Kontabilitet dhe Biznes
•     Extended Diploma in Accounting and Business
•     Teknologji e Informacionit
•     Extended Diploma in Information Technology
•     Drejtësi
•     Extended Diploma in Law
•     Psikologji
•     Extended Diploma in Psychology

Niveli 7 – RQF

•     Menaxhim Strategjik dhe Lidership
•     Strategic Management and Leadership
•     Inteligjencë Artificiale
•     Artificial Intelligence

Çfarë ofrojnë këto programe?

•     Kualifikime të strukturuara sipas standardeve britanike;
•     njohuri teorike të kombinuara me aftësi praktike dhe profesionale;
•     mundësi fleksibile të mësimit, varësisht nga programi;
•     programe me 120 ose 240 kredi;
•     mundësi për vazhdimin e studimeve në nivele më të larta;
•     zhvillim të aftësive të kërkuara në tregun ndërkombëtar të punës;
•     mundësi për avancim profesional ose ndryshim të drejtimit të karrierës.

Kualifikimet e Nivelit 4 krijojnë mundësi për vazhdim në Nivelin 5 dhe, sipas programit dhe kritereve të universitetit pritës, për progres në studimet Bachelor. Diplomat e zgjeruara të Nivelit 5 përfshijnë 240 kredi dhe përfaqësojnë nivel të krahasueshëm me dy vitet e para të studimeve Bachelor në Mbretërinë e Bashkuar.

Kualifikimet e Nivelit 7 pozicionohen në nivelin e studimeve Master në Kornizën RQF. Për fitimin e një diplome të plotë Master kërkohet vazhdimi dhe përfundimi i komponentit përkatës universitar, zakonisht punimi i diplomës ose programi “top-up”.

Kush mund të shprehë interes?

Thirrja u drejtohet:

•     maturantëve dhe të rinjve që kërkojnë një rrugë alternative drejt studimeve universitare;
•     studentëve që dëshirojnë të vazhdojnë studimet jashtë vendit;
•     profesionistëve që synojnë avancim në karrierë;
•     menaxherëve dhe drejtuesve të organizatave;
•     profesionistëve të teknologjisë, biznesit, shëndetësisë, turizmit, drejtësisë dhe psikologjisë;
•     personave që kërkojnë specializim në Inteligjencë Artificiale ose Menaxhim Strategjik.

Kriteret e pranimit ndryshojnë sipas nivelit dhe programit. Për disa programe kërkohet kualifikim paraprak, përvojë relevante profesionale dhe dëshmi e njohjes së gjuhës angleze.

Shprehja e interesit

Të gjithë kandidatët e interesuar ftohen të informohen rreth përmbajtjes së programeve, kritereve të pranimit, mënyrës së realizimit dhe mundësive të progresit akademik.

Informacionet e hollësishme gjenden në:

UBT Global – Academic Programs apo na vizitoni në UBT në Prishtinë apo na kontakoni në: trajnime@ubt-uni.net

UBT Global – Edukim pa kufij, kualifikime për një karrierë globale.